La tero, la steli, l'astri su armizinta
Kontre perfektritmoza marchado d'anjeli
Me manuagis glavego
E falchegis la cieli.
Ye l'armpinto me metis koloroza planeti
Do furtinte gravito, encherpis luneti
Kune prenis l'etero en abund tante grand
Ke mea adveno markoteskis
Per stelpulvero-ruband.
Ek mondpeci perdita en mea voytrac
Me masonis grand monolito fortigint
Kam mauzoleo al mondumo obliviot;
Ke venjon celebrez me kun le mortint.
La pezo di galaxii
Juveliz mea mantel
Kam la premii profana
Dil kosmala rebel.
E tra tota universo
Omno timos le lumoza
Celanta en mea ombro
Kun mea furii
kaloroza.